29 iyul tarixində Assosiasiyanın İdarə Heyəti və üzvlərinin ilk görüşü baş tutmuşdur. Görüş zamanı Assosiasiyanın fəaliyyətinin strateji planı və növbəti dövr üzrə əsas hədəflər müzakirə edilmişdir. İştirakçılar həmçinin, üzvlər arasında əməkdaşlığın genişləndirilməsi, potensial tərəfdaşlıq imkanlarının araşdırılması və qarşıdakı tədbirlərin planlaşdırılması barədə fikir mübadiləsi aparmışdır. Toplantıda Assosiasiyanın missiyasını dəstəkləyən və ölkədə komplayens mədəniyyətinin inkişafına töhfə verən təşəbbüslərin həyata keçirilməsi ilə bağlı ortaq iradə ifadə edilmişdir.
